أطباق رئيسيةأطباق منوعة

طريقة عمل محشى الكرنب للمبتدئات

طريقة عمل محشى الكرنب المسبك

محشى الكرنب من الاكلات المشهورة جدا فى جميع البيوت المصرية، وهى أكلة اصلية جدا وموجودة فى أفخم المطاعم المشهورة ولذلك هنقدم لكم المحشى بطرق متنوعة وسهلة وغير مكلفة ونقدم لكم من مطبخ بيت العلية.

مقادير محشى الكرنب

  • 1 كيلو زر مصرى مغسول ومجفف.
  • زيت.
  • حزمة شبت.
  • حزمة كزبرة.
  • حزمة بقدونس.
  • 3 بصلات متوسطة الحجم.
  • صلصلة طماطم .
  • بهارات مشاكله.
  • ملح.
  • فلفل اسود.
  • 2 مكعب دجاج.
  • وشطة حار على حسب الرغبة.
  • معلقة نعناع ناشف.

طريقة عمل المحشى المسبك

  1. اول خطوه هتسلقى الكرنب فى ميه بتغلى على النار فيها معلقة ملح ومعلقة كمون خشن.
  2. تانى حاجه نحضر خلطة محشي الكرنب هتقطعى البصل او تفرميه وعلى النار تحطى زيت كتير شويه وتفضلى تقلبى فى البصل لحد ما يصفر معاكى شويتين يعنى وسط متحرقيهوش.
  3. بعد كده هتضربى الطماطم فى الخلاط وتحطيها على البصله وتسيبيها تغلى وبمجرد ما تغلى تحطى الملح والفلفل والبهارات واهم حاااااااااااجه هو الكمون تحطى منه زياده حبتين وبعد كده تحطى الصلصه وتقلبى واول ما تتسبك كويس تحطى معلقة النعناع و تكونى غسلتى الرز وصفتيه فى المصفاه.
  4. تحطيه على الخلطه وتقلبيه كويس جدا لحد ما يسخن و يتشرب من الخلطه بعدها هتطفى النار تكونى مقطعه الخضره هتحطيها وتقلبيها (فى ناس بتحط الخضره عالصلصه وهيا بتتسبك بس الطريقه اللى بقولك عليها بتحافظ على طعم الخضره ولونها).
  5. هتجيبى الحله اللى هتحشى فيها وهتحطى فيها من تحت طماطم وبصل متقطعين حلقات لو مش حابه بلاش بس الخطوه دى بتدى طعم حلو للمحشى.
  6. بعد كده هتقطعى ورق الكرنب مستطيلات او مربعات بالمقاس اللى تحبيه وتبتدى تحشى وترصيه فى الحله.
  7. هتكونى محضره عندك شوربه سخننننننننه تسقى بيها المحشى وطبعا تكونى حاطه فيها البهارات والملح والفلفل والحبهان وبصل مبشور وطماطم وجزر مبشورين ومعلقة صلصه وممكن مكعب مرقه لو بتحبيها (انا بفضل احط بدالها توابل الفراخ اضمن )
  8. هتسقى المحشى لحد ما توصلى لاول صف فى الحله يعنى الشوربه تغطى المحشى زى الرز كده بس حاجه بسيطه مش قوى.
  9. وتسيبيه يغلى على نار عاليه لحد ما تلاقى الشوربه نقصت هتهدى النار خالص وتسيبيه لحد ما يستوى براحته.
  10. ونقدمه فى طبق التقديم ويقدم سخن.

شاهد ايضا:

طريقة عمل المحشي اللذيذ وأنواع مختلفة من المحشي جربى تعمليها بنفسك !

طريقة عمل كفته الدجاج أحلى من كفتة اللحم

الوسوم

Asmaa Torky

كاتبة هاوية أحب الطبخ وكتابة المقالات مش بحب أتكلم عن نفسى كتير 📢 لدى ابداع بلا حدود وأفكار كثيرة أقوم بالعمل عليها مع زوجى 👨💻 .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق